Posts tagged “#ماضي

رسالة لساعتي الأخيرة

أكتب إلى من الماضي:
سرك في بيير” كام مرة قولنا أو سمعنا الجملة دي؟!
بس السؤال هنا كام مرة عملنا بالجملة دي فعلاً وفضل السر معانا لحد لما تيجي ساعتنا ونموت بيه ومحدش يعرف حاجة.
أظن اللي عمل كده نادرين جداً إنك تكون عارف سر وتفضل شايل السر ده جواك سواء كان صاحبه عارف وده سهل أو مش عارف وده أصعب أنواع الأسرار اللي متقدرش تتكلم فيها مع حد حتى نفسك بتمنعها من التفكير فيه وتفضل إنت متحمل السر اكتر من صاحبه وممكن توصل للمعاناة لحد متوصل بيك لمرحلة اللامبالاة من كل حاجة ساعتها بس اتأكد إنك كدة وصلت للنهاية وعملت اللي عليك وإنه مهما حصل ف السر ده هيفضل جواك لحد ساعتك؛

image

بس عشان توصل للمرحلة دي هتضطر إنك تضحي براحة بالك وبعض التنازلات لكن في النهاية هتعرف إنه يستحق كل ده لما تعرف إن كتمك للسر منع مشاكل ومصايب كتير من إنها تحصل.
تقدر ترتاح دلوقتي، عملت اللي عليك
                                                         

توقيع
انا من الماضي

Advertisements